Прыемныя моманты спартыўнага свята пачаліся ўжо падчас рэгістрацыі: удзельнікі заявілі аб сабе ва ўсіх сямі ўзроставых групах. Як і заўжды, самымі шматлікімі прадстаўнікамі-бегунамі сталі хлопчыкі, юнакі і мужчыны ад 12 да 29 гадоў. Прыхільнікі здаровага ладу жыцця былі і ў катэгорыі “60+”, праўда, толькі сярод мужчын.
Удзельнікі прабегу 12-14 гадоў, 50-59, 60 і старэй пераадольвалі дыстанцыю ў 1020 м, астатнія – у 2020 м.
Адкрылі “Навагоднюю мілю-2020” хлопчыкі 12-14 гадовага ўзросту. У выніку ўпартай барацьбы лепшы рэзультат быў у Рамана Ставера з Мышкавіцкай СШ, другім стаў Уладзіслаў Каўрыга з гэтай жа навучальнай установы, трэцім – Павел Чучулін з СШ №1. У катэгорыі 15-17 гадоў месцы размеркаваліся наступным чынам: 1 месца – Ягор Сосаў (СДЮШАР), 2 – Мікіта Мельнікаў (Жыліцкі сельгаскаледж), 3 – Цімур Багданаў (ЖСК). Сярод мужчын 18-29 гадоў перамогу святкаваў Кірыл Аляксееў з РАНС, другое і трэцяе месцы падзялілі паміж сабой прадстаўнікі Жыліцкага сельгаскаледжа Сяргей Курыла і Кірыл Шамедзька. Андрэй Харытонаў з РАНС, Віктар Бялянаў з аддзела па адукацыі, спорту і турызму райвыканкама і Яўген Пішчалін з ААТ “Рассвет імя К.П.Арлоўскага” занялі адпаведна 1, 2 і 3 месцы сярод спартсменаў ва ўзросце 30-39 гадоў. У тройцы лідараў (40-49 гадоў) – Сяргей Лыбзікаў, Сяргей Храмянкоў (РАНС), Андрэй Бяляўскі (“Рассвет”). У катэгорыі 50-59 гадоў 1 і 2 месцы падзялілі паміж сабой Феафан Аляшкевіч (Баравіцкая СШ) і Мікалай Галавач (СДЮШАР)і. Сярод прадстаўнікоў “60+” лепшым стаў Іван Домніч з райаддзела Дэпартамента аховы МУС Рэспублікі Беларусь, на другім месцы – Анатоль Клімовіч, які выступаў за Баравіцкую СШ.
У дзяўчын лепшы вынік у катэгорыі 12-14 гадоў – у Дар’і Краснай з СШ №1, 2 і 3 месцы – на рахунку Яўгеніі Ставер і Эвеліны Цэд, абедзве з Мышкавіцкай СШ. Сярод 15-17 гадовых дзяўчат перамогу святкавала Анастасія Лук’янава з СШ №1, другой была Крысціна Лазарава з Жыліцкага сельгаскаледжа, трэцяй – Валерыя Вакір з СШ №1.
Лідарамі ва ўзросце ад 18 да 29 гадоў сталі: Лізавета Апсіт з райспажыўтаварыства, 2 і 3 месцы занялі прадстаўніцы Жыліцкага сельгаскаледжа Крысціна Грамыка і Анастасія Кірылава.
Пасля прабегу прадстаўнікі раённай арганізацыі Беларускага Таварыства Чырвонага Крыжа частавалі ўсіх гарачым чаем з салодкасцямі.
Галоўны спецыяліст аддзела па адукацыі, спорту і турызму райвыканкама Віктар Бялянаў уручыў пераможцам дыпломы і памятныя падарункі, іх прадаставілі райкам прафсаюза работнікаў АПК і прафсаюза работнікаў адукацыі і навукі.
Гледзячы на шчырыя ўсмешкі аматараў бегу і іх балельшчыкаў, гэтае мерапрыемства ніяк не хацелася называць спаборніцтвам, яно, як заўжды, стала сапраўдным навагоднім спартыўным святам, якое прынесла яго ўдзельнікам шмат пазітыўных і яркіх эмоцый.